თუკი ყველაფერი გეგმაზომიერად წარიმართება, “მანჩესტერ იუნაიტედის” ტრავმირებული ნახევარმცველი მარუან ფელაინი მოედანს უახლოეს პერიოდში დაუბრუნდება. ამის შესახებ ბრიტანული პრესა იუწყება.
ხელის ტრავმის გამო, ბელგიელს დეკემბრის დასაწყისის შემდეგ აღარ უთამაშია. “წითელი ეშმაკების” სამედიცინო შტაბის განცხადებით, შუახაზელი სრულფასოვან ვარჯიშს ორშაბათიდან შეუდგება.
დიდი ალბათობით, ფელაინი მოედანს “სანდერლენდთან” ინგლისის ლიგის თასის მატჩში დაუბრუნდება.
