უახლოეს პერიოდში, “მანჩესტერ იუნაიტედი” მეკარე დავიდ დე ხეას ახალ კონტრაქტს შესთავაზებს. Goal-ის ცნობით, “წითელ ეშმაკებს” სურთ, რომ ამ გზით, 22 წლის ესპანელის ტრანსფერი გამორიცხონ.

მოგეხსენებათ, დე ხეას შეძენით არაერთი ძლიერი კლუბია დაინტერესებული. მათ შორისაა კატალონიის “ბარსელონაც”, რომელიც მანჩესტერელთა მეკარეს სამშობლოში დაბრუნებას სთავაზობს.

დე ხეას “მანჩესტერთან” მოქმედი კონტრაქტი 2016 წლამდე აკავშირებს და მისი ყოველკვირეული ანაზღაურება 64 ათასი ევროა. “წითელ ეშმაკებს” სურთ, რომ ესპანელმა 2018 წლამდე გაახანგრძლივოს კონტრაქტი. თუკი დე ხეა თანხმობას იტყვის, კვირაში 88 ათას ევროს მიიღებს.