“მანჩესტერ იუნაიტედი” მიუნხენის “ბაიერნის” კიდევ ერთი წამყვანი ფეხბურთელის – ბასტიან შვაინშტაიგერის შეძენას ცდილობს. ბრიტანული წყაროების ინფორმაციით, ინგლისელები 29 წლის გერმანელის გადაბირებას მსოფლიოს ჩემპიონატის დასრულების შემდეგ ეცდებიან.
თავის მხრივ, მიუნხენელთა დამრიგებელი პეპ გვარდიოლა შვაინშტაიგერს გუნდის საკვანძო ფიგურად მიიჩნევს და მისი გასხვისება არ სურს. რა თანხის გადახდაზეა ყაბულს “მანჩესტერი”, ჯერჯერობით, უცნობია.
შეგახსენებთ, რომ მანჩესტერელები ტონი კროოსის, არიენ რობენისა და ტომას მიულერის ტრანსფერებითაც არიან დაინტერესებულნი.
