შაბათის პრემიერლიგის ადრეულ მატჩში, ჰალში, “ჩელსიმ” 2:0 დაამარცხა დებიუტანტი “ჰალ სიტი” და მინიმუმ კვირა საღამომდე გალიდერდა. მატჩის საუკეთესო მოთამაშე შესანიშნავ ფორმაში მყოფი ბელგიელი ედენ აზარი გახდა. მან ეფექტური გოლიც გაიტანა და თამაშსაც ხშირად მახვილგონივრულად ამწვავებდა. ბოლო დღეებში ბევრს საუბრობენ აზარის პსჟ-ში შესაძლო გადასვლის თაობაზე. თუმცა თამაშის წინ, “არისტოკრატთა” მწვრთნელმა ჟოზე მოურინიომ თქვა: 100 მილიონიც რომ შემოგვთავაზონ, აზარს მაინც არ გავყიდითო.

“ჩელსიმ” მეორე ტაიმში უკეთ ითამაშა. პირველში მეტოქეებს თითო ნაღდი მომენტი ჰქონდათ, მაგრამ ვერ გამოიყენეს. 26-ე წუთზე ტერიმ დაუშვა მიუტევებელი შეცდომა, საკუთარ საჯარიმოსთან უყურადღებოდ გაისარჯა და ბურთი იქვე მყოფ იანიკ საგბოს მიუვიდა, თუმცა კოტდივუარელის დარტყმულმა ბურთმა მარცხენა ძელს სანტიმეტრებში ჩაუქროლა. შვიდ წუთში უკვე სტუმრებს უნდა გაეტანათ, როცა აზარმა ოსკარი საჯარიმოში მარტოდმარტო დატოვა, მაგრამ მეკარე ალან მაკგრეგორმა სასწაულად მაიგერია ბურთი კუთხურზე.

ანგარიში 56-ე წუთზე გაიხსნა. სტუმართა ლამაზი მრავასვლიანი კომბინაცია აზარის ზუსტი, გამოზომილი  დარტყმით დამთავრდა მარჯვენა დაბალ კუთხეში. დამთავრებამდე სამი წუთით ადრე კი, ფერნანდო ტორესმა, რომელიც პრემიერლიგაში თავის მე-200 მატჩს ატარებდა, ინდივიდუალური გარღვევის შემდეგ გააორა.

“ვეფხვები” (“ჰალ სიტის” მეტსახელია), თმაშეკრეჭილი ტომ ჰადლსტოუნის (ის ამბობდა, სანამ გოლს არ გავიტან, თმას არ შევიჭრიო. ამასობაში წელიწადზე მეტი გავიდა. გასულ ტურში გაიტანა და პირობა შეასრულა) მეთაურობით რაღაცას ცდილობდნენ, მაგრამ თამაშის შემოსატრიელებლად ოსტატობა არ ეყოთ.

“ჩელსის” მეკარე პეტრ ჩეხმა საკლუბო რეკორდი დაამყარა – 209-ე “მშრალი” მატჩი (Clean Sheet) ჩაატარა, მანმადე ეს რეკორდი პიტერ ბონეტის ეკუთვნოდა. საერთო ჯამში კი ყველაზე მეტი – 151 “მშრალი” მატჩი დევიდ ჯეიმსს უთამაშია, თუმცა მან კარიერის განმავლობაში 9 კლუბი გამოიცვალა.

მატჩის შემდეგ მოურინიომ თქვა: “წყნარი შეხვედრა ჩავატარეთ. პირველ ტაიმში მეტოქე კარგად იცავდა თავს, მაგრამ მეორეში უკეთ გავაკონტოლეთ ბურთი და გოლებიც გავიტანეთ. ჩეხის რეკორდი? გაისად ის პრემიერლიგის რეკორდსაც დაამხობს.”

“ტოტენჰემისთვის” ეს ისტორიაში მე-200 ლონდონური დერბი იყო. მართალია, მასპინძლები ლონდონის ჩრდილოეთს წარმოადგენენ, სტუმრები კი სამხრეთს, მაგრამ მინდორზე პირველი წუთიდანვე ცეცხლი დაინთო. უკვე მე-8 წუთზე ტოტენჰემელმა მუსა დემბელემ საჯარიმოში ოპონენტი წააქცია და მსაჯმა პენალტი დანიშნა, მაგრამ ჯეისონ პანჩონმა იმდენად გადააცილა ბურთი კარს, რომ აუდიტორიის დიდი მხიარულება და ირონია გამოიწვია. პირველ ტაიმში მასპინძლებმა მეტოქეს ფრთები გადაუკეტეს, ამიტომ შემტევები ადებაიორი და სოლდადო თითქოს მოწყვეტილები ჩანდნენ დანარჩენებისგან. მაგრამ შესვენების შემდეგ ვითარება შეიცვალა. “კრისტალ პალასის” ფეხბურთელებს დაღლა დაეტყოთ და ტიმ შერვუდის ბიჭებმა სადავეები ხელთ იგდეს. ჯერ დანიელმა კრისტიან ერიკსენმა გაიტანა ახლოდან, შემდეგ კი ჟერმენ დეფომ, რომელიც ერთ თვეში კანადურ “ტორონტოში” გადადის, გააორა.

“ევერტონმა” “ნორვიჩს” 2:0 მოუგო და ზედა ოთხეულში შეაბიჯა. თუმცა, კვირას, მათი თანაქალაქელი “ლივერპული” “სტოკთან” თამაშობს სტუმრად და შესაძლოა, ადგილი გაუცვალოს.

2014 წელს პირველად მოიგო “მანჩესტერ იუნაიტედმა.” იანვარში “ეშმაკუნებმა” სამივე ტურნირში  (პრემიერლიგა, ასოციაციის თასი, ლიგის თასი) მიჯრით წააგეს და დევიდ მოიესს ისევ კრიტიკის ქარ-ცეცხლი დაატყდა თავს. “სუონსისთან” კიდევ წაგების უფლება კი მათ ნამდვილად არ ჰქონდათ და აკი, მოიგეს კიდეც. პირველ ტაიმში სტუმრები ბურთს უკეთ აკონტროლებდნენ, თუმცა გატანა მასპინძლებს შეეძლოთ, ადნან იანუზაიმ “სტანდარტიდან” ხარიხას მოარტყა. ამდენი მარცხის შემდეგ, თითქოს მასპინძლებს მეტი მოტივაცია ჰქონდათ და ალბათ გადამწყვეტიც ეს გამოდგა. გოლები ვალენსიამ და უელბეკმა გაიტანეს.

ჰალ სიტი – ჩელსი 0:2 (0:0)

ჰალი. “კინგსტონი.” 24 924

ჰალ სიტი: მაკგრეგორი, ფიგეროა, დევისი, ბრიუსი, ჩესტერი (ფრაიატი 77), ჰადლსტოუნი, ელ მუჰამადი, მეილერი (კორენი 67), ლივერმორი, საგბო, ბოიდი (ქუინი 83)

მწვრთნელი: სტივ ბრიუსი

ჩელსი: ჩეხი, ეშლი კოული, ტერი, კეჰილი, დავიდ ლუისი, ასპილიკუეტა, ვილიანი (შურლე 88), რამირესი (ესიენი 90), აზარი, ოსკარი (ობი მიკელი 79), ფერნანდო ტორესი

მწვრთნელი: ჟოზე მოურინიო

გოლები: 0:1 აზარი (56), 0:2 ფერნანდო ტორესი (87)

გაფრთხილება: ლივერმორი (69), ფიგეროა (82); კეჰილი (66)

მსაჯი: მარკ კლატენბურგი

ბურთის ფლობა: 45%-55%, დარტყმა: 2(5)-3(7), ჯარიმა: 12-7, კუთხური: 1-7, თამაშგარე: 2-0, სეივი: 3-2

კარდიფ სიტი – ვესტ ჰემი 0:2 (0:1)

კარდიფი. “კარდიფ სიტი სთედიუმი.” 27 750

კარდიფ სიტი: მარშალი, ჰადსონი (კორნელიუსი 78), თეოფილე კეტრინი, კოლკერი, ჯონი, უითინგემი, მედელი (ეიკრემი 65), ნუნი, ბო-კიუნგ კიმი, ოდემვინგიე (ბელამი 46), კემპბელი

მწვრთნელი: ოლე გუნარ სოლსკიაერი

ვესტ ჰემი: ადრიენი, დემელი (მაკარტნი 17), რაცი, ჯონსონი, ტომკინსი, დაუნინგი, ტეილორი, ნოუბლი, ჯერვისი, კოლისონი (დიარა 75), კარლტონ კოული (ენდი კეროლი 72)

მწვრთნელი: სემ ელარდაისი

გოლები: 0:1 კარლტონ კოული (42), 0:2 ნოუბლი (90+3)

გაფრთხილება: მედელი (45+10); მაკარტნი (50), ტომკინსი (61), ჯონსონი (70), დიარა (90)

გაძევება: ტომკინსი (72)

მსაჯი: ლი მეისონი

ბურთის ფლობა: 62%-38%, დარტყმა: 7(9)-2(7), ჯარიმა: 7-15, კუთხური: 8-7, თამაშგარე: 1-1, სეივი: 1-7

ევერტონი – ნორვიჩი 2:0 (1:0)

ლივერპული. “გუდისონ პარკი.” 36 827

ევერტონი: ჰოვარდი, იაგიელკა, ბეინსი, სტოუნზი, პინაარი (ნეისმიტი 71), ბერი, ოსმანი (ჰეიტინგა 69), კოულმენი, მაკარტი, მირალასი, ლუკაკუ

მწვრთნელი: რობერტო მარტინესი

ნორვიჩი: რადი, ვიტაკერი, ოლსონი, გარიდო (რედმონდი 66), ბასონგი, ბენეტი, ფერი, სნოდგრასი, ჯონსონი, ჰუპერი, ვან ვოლფსვინკელი (მერფი 88)

მწვრთნელი: კრის ჰოუტონი

გოლები: 1:0 ბერი (23), 2:0 მირალასი (59)

გაფრთხილება: სტოუნზი (45); ბენეტი (63), ბასონგი (90)

მსაჯი: კევინ ფრენდი

ბურთის ფლობა: 62%-38%, დარტყმა: 4(13)-5(4), ჯარიმა: 7-14, კუთხური: 10-5, თამაშგარე: 1-3, სეივი: 3-3

ფულემი – სანდერლენდი 1:4 (0:2)

ლონდონი. “ქრეივენ კოტეჯი.” 25 564

ფულემი: სტოკდეილი, სენდეროსი, რიისე, ამორებიეტა, რითერი, სიდუელი, დაფი (დეჟაგა 69), პარკერი, ტაარაბტი (კასამი 63), დემპსი (ბენტი 79), ბერბატოვი

მწვრთნელი: რენე მელენსტეენი

სანდერლენდი: მანონე, ბრაუნი, ო’ში, ბერდსლი, მარკოს ალონსო, ჯონსონი (ჩელუსტკა 87), კატერმოლი, სუნგ-იონგ კი, კოლბექი, ფლეტჩერი (ალტიდორე 66), ბორინი (ლარსონი 75)

მწვრთნელი: გუსტავო პოიეტი  

გოლები: 0:1 ჯონსონი (29), 0:2 სუნგ-იონგ კი (41), 1:2 სიდუელი (52), 1:3, 1:4 ჯონსონი (69, 85 პენ.)

გაფრთხილება: სიდუელი (37), რიისე (40), პარკერი (59); ბერდსლი (30), სუნგ-იონგ კი (58), ჯონსონი (70)

მსაჯი: მაიკლ დინი

ბურთის ფლობა: 56%-44%, დარტყმა: 5(10)-3(3), ჯარიმა: 15-12, კუთხური: 10-6, თამაშგარე: 3-0, სეივი: 2-4

საუთჰემპტონი – ვესტ ბრომვიჩი 1:0 (0:0)

საუთჰემპტონი. “სენტ მერის სთედიუმი.” 28 610

საუთჰემპტონი: ბორუცი, ჟოზე ფონტე, ლოვერნი, კლაინი, შოუ, დევისი, ლალანა (უარდ პროუსი 84), კორკი (რამირესი 62), შნაიდერლინი, როდრიგესი (გული 90+1), ლამბერტი

მწვრთნელი: მაურისიო პოჩეტინო

ვესტ ბრომვიჩი: ფოსტერი, ოლსონი, რიდი, რიჯუელი, მაკოლი (გერა 81), ამალფიტანო (ვიდრა 81), მორისონი, მულუმბუ, ბრანტი, ლონგი, ანელკა (ბერაინო 77)

მწვრთნელი: პეპე მელი

გოლი: 1:0 ლალანა (66)

გაფრთხილება: ლოვერნი (27); ლონგი (58), ოლსონი (72)

მსაჯი: ჰოუვარდ უები

ბურთის ფლობა: 62%-38%, დარტყმა: 5(8)-3(2), ჯარიმა: 11-14, კუთხური: 4-4, თამაშგარე: 3-7, სეივი: 2-4

ტოტენჰემი – კრისტალ პალასი 2:0 (0:0)

ლონდონი. “უაით ჰარტ ლეინი.” 36 102

ტოტენჰემი: ლორისი, დოუსონი, როუზი, კირიკეში, უოლკერი (ნოგტონი 48), ლენონი, დემბელე, ერიკსენი (შადლი 76), ბენტალები, ადებაიორი, სოლდადო (დეფო 57)

მწვრთნელი: ტიმ შერვუდი

კრისტალ პალასი: სპერონი, მარიაპა, გაბიდონი, დელანი, უარდი, პერი, იედინაკი, პანჩონი (გედიურა 82), ბოლასიე (უილიამსი 68) , შამახი, ჯერომი (გეილი 69)

მწვრთნელი: ტონი პულისი

გოლები: 1:0 ერიკსენი (50), 2:0 დეფო (73)

გაფრთხილება: ნოგტონი (80); მარიაპა (70), იედინაკი (77)

მე-8 წუთზე პანჩონმა ვერ გაიტანა პენალტი

მსაჯი: მაიკლ ოლივერი

ბურთის ფლობა: 61%-39%, დარტყმა: 3(3)-2(10), ჯარიმა: 11-12, კუთხური: 5-11, თამაშგარე: 1-1, სეივი: 2-2

მანჩესტერი – სუონსი 2:0 (0:0)

მანჩესტერი. “ოლდ ტრეფორდი.” 75 035

მანჩესტერი: დე ხეა, ვიდიჩი, ევრა (ბიუტნერი 79), რაფაელი, სმოლინგი, კერიკი, ვალენსია, ფლეტჩერი, იანუზაი, კაგავა, უელბეკი (ერნანდესი 85)

მწვრთნელი: დევიდ მოიესი

სუონსი: ტრემელი, უილიამსი, ანხელ რანხელი, ამატი, დევისი, რუტლიჯი, ბრიტონი, შელვი (ალვარო ვასკესი 63), კანიასი (ჩიკო 17), პოსუელო, ბონი

მწვრთნელი: მიქაელ ლაუდრუპი

გოლები: 1:0 ვალენსია (47), 2:0 უელბეკი (59)

გაფრთხილება: ანხელ რანხელი (37), ბონი (45+2)

მსაჯი: კრის ფოი

ბურთის ფლობა: 40%-60%, დარტყმა: 1(4)-2(2), ჯარიმა: 5-8, კუთხური: 0-2, თამაშგარე: 0-0, სეივი: 2-3

მეგოლეები:

20 – ლუის სუარესი (“ლივერპული”)

13 – სერხიო აგუერო (“სიტი”)

10 – ლოიკ რემი (“ნიუკასლი”), იაია ტურე (2, “სიტი”)