ესპანურმა “მალაგამ” თურქულ “გალათასარაისთან” შეთანხმებას მიაღწია და ნორდინ ამრაბატი დაიბრუნა. ამის შესახებ, ორივე კლუბის ოფიციალური ვებგვერდი გვაუწყებს.

მოროკოელი ნახევარმცველი, “მალაგამ” ერთწლიანი იჯარით აიყვანა. საიჯარო ხელშეკრულების ამოწურვის შემდგომ, ანდალუსიელებს მისი გამოსყიდვის უფლება ექნებათ.

გასული სეზონის მეორე ნახევარში, ამრაბატი სწორედ “მალაგაში” იყო განათხოვრებული და ლა ლიგაში ჩატარებულ 15 შეხვედრაში 2 გოლის გატანა და 5 საგოლე გადაცემის გაკეთება მოასწრო.

ირაკლი ალიმბარაშვილი