ინგლისის ლიგის თასზე პირველი დივიზიონის “მილტონთან” სამარცხვინო წაგების (0:4) შემდეგ, “მანჩესტერ იუნაიტედის” მთავარმა მწვრთნელმა, ლუის ვან გაალმა გულშემატკივრებს მოთმინებისკენ მოუწოდა.
“გულშემატკივრებმა ჩვენი ფილოსოფია უნდა ირწმუნონ. ჩვენ გუნდს ვაშენებთ, რის გაკეთებაც, ერთ თვეში ან ერთ წელიწადში შეუძლებელია. რა თქმა უნდა, შედეგი ძალიან გულდასაწყვეტია, მაგრამ იმედია ქომაგები კლუბის და ჩვენი ფილოსოფიის მიმართ ნდობას შეინარჩუნებენ, რადგან ამ ფილოსოფიას დრო სჭირდება.
არ უნდა დაგავიწყდეთ, რომ 9 ფეხბურთელი ტრავმირებულია და ძალიან ახალგაზრდა გუნდით ვითამაშეთ. არ გაგვიმართლა, ვინაიდან მეტოქეს გოლები ჩვენი შეცდომების შემდეგ გაჰქონდა და მუდმივად იძულებული ვიყავით ანგარიშის გათანაბრებაზე გვეფიქრა” – განაცხადა ვან გაალმა Sky Sports-თან საუბარში.
