"ლივერპულის" ურუგვაელი თავდამსხმელი ლუის სუარესი აღნიშნავს, რომ კლუბმა დაუჯერებელი რამ გააკეთა და 24-წლიანი ლოდინის შემდეგ, სასურველ ტიტულთან ძალიან ახლოსაა.

"არავინ დაიჯერებდა, რომ ჩვენ ასე ახლოს ვიქნებოდით ჩემპიონის ტიტულთან, რადგან პრემიერლიგაში ძალიან დიდი კონკურენციაა. სიმართლე ისაა, რომ გაოცებულები ვართ ჩვენივე თამაშით და შედეგით. ძალიან კარგი ფეხბურთელები გვყავს და იმ კლუბებთან წარმატებული პაექრობით, რომლებიც ტრანსფერებში ძალიან დიდ ფულს ხარჯავენ, რა თქმა უნდა, კმაყოფილნი ვართ." _ განუცხადა Guardians ლუის სუარესმა.

ურუგვაელმა ფეხბურთელმა პრემიერლიგის საუკეთესო ფეხბურთელის კანდიდატზე სტივენ ჯერარდზეც გააკეთა კომენტარი. 27 წლის თავდამსხმელმა ჯერარდის მიმართ საქებარი სიტყვები არ დაიშურა:

"ზაფხულში იგი ძალიან დამეხმარა და მთელი სეზონის განმავლობაში გვერდით მიდგას. ჩემს საფეხბურთო კარიერაში იგი ყოველთვის მნიშვნელოვან პიროვნებად დარჩება. მთელმა მსოფლიომ იცის თუ როგორი ადამიანია ჯერარდი. მიუხედავად კაპიტნობისა და კლუბში 15 წლიანი ყოფნის პერიოდისა, ინგლისელი ყველას გადაწყვეტილებას პატივს სცემს და მოედნის გარეთ საუკეთესო მეგობარია."

გიორგი ბალახაძე