"ბარსელონას" თავკაცმა ლუის ენრიკემ "ბილბაოსთან" 2:0 მოგების შემდეგ, არგენტინელი ლეო მესის საუკეთესო მხარეებზე ისაუბრა.

“მესი? ის საუკეთესოა არა მხოლოდ იმიტომ, რომ ბევრი გააქვს, არამედ იმიტომ, რომ დიდებულ პასებს აკეთებს. ჩემი აზრით, მესის მცველობა რომ აერჩია, ამ ამპლუაშიც მსოფლიოში საუკეთესო იქნებოდა", - განუცხადა ლუის ენრიკემ as.com-ს.    

ამასთან, კატალონიელთა თავკაცმა ხაზი გაუსვა, რომ მოხარულია გუნდის დაცვის კარგი თამაშით: "იმისათვის რომ მოვიგოთ, მხოლოდ თავდასხმაში კი არა, დაცვაში კარგი თამაშიცაა საჭირო. როგორც ხედავთ, გოლებს არ ვუშვებთ. "ბილბაოს" სერიოზული შანსები არც ჰქონია, ესე იგი, დაცვაში კარგად გამოვიყურებოდით. მშვიდად უნდა განვაგრძოთ მუშაობა”.

ილია კახელიშვილი