ურუგვაის ნაკრების კაპიტანი დიეგო ლუგანო მიიჩნევს, რომ ესპანეთის ეროვნული გუნდი მსოფლიოში კვლავ საუკეთესოა და ის სამხრეთ ამერიკული ფეხბურთის გრანდებზე მნიშვნელოვნად ძლიერია.

“ესპანეთი არგენტინასა და ბრაზილიაზე ბევრად ძლიერია. ამაში ეჭვი საერთოდ არ მეპარება. ესპანელებს განსხვავებული ტაქტიკა აქვთ. ისინი ბურთს ისე ფლობდნენ, როგორც არავინ არასდროს. ეს ესპანელთა მეტოქეს ფსიქოლოგიურ პრობლემებს უქმნის.

როდესაც ბურთს ღებულობ, უკვე დაღლილი ხარ და არაფრის გაკეთება არ შეგიძლია. მეტოქეს კონკურენცია ვერ გავუწიეთ. მათ როგორც ფიზიკაში, ასევე ტექნიკაში გვაჯობეს.” – აცხადებს ლუგანო კონფედერაციის თასზე ესპანეთთან 1:2 წაგების შემდეგ.