ფეხბურთი

10:51 | 27.01.2014 | ნანახია [] - ჯერ

ლორისმა შესაძლოა “ტოტენჰემი” დატოვოს

ლონდონის “ტოტენჰემის” ფრანგი მეკარე უგო ლორისი, მზადაა სხვა კლუბში გადავიდეს, თუ მისი გუნდი ჩემპიონთა ლიგის საგზურს ვერ მოიპოვებს.

მიუხედავად იმისა, რომ ზაფხულში კლუბში მრავალმინიონიანი ინვესტიცია განხორციელდა, გუნდი ხელშესახები წარმატებებით ვერ დაიკვეხნის და ამ მომენტისთვის ლონდონელები ჩემპიონთა ლიგის ზონაში მოსახვედრად იბრძვიან. თუ “ტოტენჰემმა” პრემიერლიგის მიმდინარე სეზონის დასრულების შემდეგ სატურნირო ცხრილში მეოთხე ადგილი ვერ დაიკავა და შესაბამისად, ჩემპიონთა ლიგის საგზურის გარეშე დარჩა, მაშინ 27 წლის კარის დარაჯი ახალი კლუბის ძებნას დაიწყებს.

“ჩვენი უმთავრესი მიზანი ჩემპიონთა ლიგაზე მოხვედრაა. გარდა ამისა, აუცილებელია, რომ ლიდერ გუნდებთან ჩამორჩენა შევამციროთ. თუ ჩვენ ჩემპიონთა ლიგაზე ვერ მოვხვდებით, მაშინ სეზონის დასრულების შემდეგ სხვადასხვა ვარიანტების განსახილველად მზად ვიქნები” - განუცხადა ლორისმა Sky Sports.

22 ტურის შემდეგ “ტოტენჰემი” 43 ქულით მეხუთე ადგილზეა და დამატებითი მაჩვენებლებით ჩამორჩება “ლივერპულს”.

0.113227