ბაქოს “ინტერის” მეკარე გიორგი ლომაია აზერბაიჯანის საფეხბურთო პრემიერლიგის მე-13 ტურის საუკეთესო მოთამაშედ დაასახელეს. ამის შესახებ აზერბაიჯანული პროფესიული ფეხბურთის ლიგის ოფიციალური ვებგვერდი იუწყება.

პარალელურად ლომაია ტურის სიმბოლურ ნაკრებშიც მოხვდა და მიმდინარე სეზონში, მსგავსი პატივი მას წილად პირველად ხვდა.

განვლილ ტურში, “ინტერმა” ზაქათალის “სიმურგი” მიიღო და დაპირისპირება 0:0 დასრულდა.

“ინტერს” 17 ქულა აქვს და 10-გუნდიან პრემიერლიგაში მე-5 ადგილზეა.