ტურინის “იუვენტუსისა” და შვეიცარიის ნაკრების მცველმა შტეფან ლიხტშტაინერმა განაცხადა, რომ ხალხის აზრის და კრიტიკის მიუხედავად, თავისი მაინც გაიტანა და წარმატებული კარიერა აიწყო.
“თამაშის სტილის, თუ ზოგადად ჩემი საქციელის გამო, არაერთხელ ვყოფილვარ კრიტიკის ობიექტი. ამის მიუხედავად, ყოველთვის აქტიურად ვმუშაობდი საკუთარ თავზე და ვიცოდი, რომ ადრე თუ გვიან, ეს შრომა შედეგს გამოიღებდა. მე იმ რამდენიმე შვეიცარიელის ჩამონათვალში შევდივარ, რომლებმაც წარმატებას უცხო ქვეყანაში მიაღწიეს”, – უთხრა ლიხტშტაინერმა ერთ-ერთ შვეიცარიულ სპორტულ გამოცემას.
