ლონდონის “ჩელსის” ვეტერან მცველ ეშლი კოულს მსურველები მოუმრავლდა. ბრიტანული პრესის ინფორმაციით, 33 წლის მარცხენაფლანგელის ხილვა “ტოტენჰემსა” და “ლივერპულს” სურთ.
კოულს “არისტოკრატებთან” კონტრაქტი ზაფხულში ეწურება და რამდენადაც ცნობილია, კლუბი მის გახანგრძლივებას არ აპირებს. ამგვარად, კოული ან თავისუფალი აგენტის სტატუსით მოძებნის ახალ კლუბს, ან გარემოს იანვარშივე შეიცვლის და მსოფლიოს ჩემპიონატის წინ სათამაშო პრაქტიკას დააგროვებს.
რამდენადაც ცნობილია, ეშლი კოულის გადაბირება აშშ-ს რამდენიმე კლუბსაც სურს.
