ბირმინგემში საკვირაო პრემიერლიგის ერთადერთი მატჩი გაიმართა. გასავარდნ ზონასთან ახლოს მდგარმა “ასტონ ვილამ” ჯერ კიდევ ოთხეულში და შესაბამისად, ჩემპიონთა ლიგაში მოხვედრაზე მეოცნებე “ლივერპულს” უმასპინძლა.

“წითლებს” ტრავმირებული მეკარე პეპე რეინა და მცველი ჯეიმი კარაგერი დაუბრუნდნენ. პირველ ტაიმში მასპინძლებმა იხეირეს, ბურთი კრისტიან ბენტეკემ გაიტანა. სხვათა შორის, ეს ბელგიელის მე-7 გოლი იყო ბოლო 8 შეხვედრაში.

მეორე ტაიმის დასაწყისში კი “ლივერპულმა” “თავისებური” დაატრიალა. ჯერ ჯერარდ-კოუტინიო-ჰენდერსონის კომბინაცია დამთავრდა ამ უკანასკნელის ეფექტური გოლით. მალევე ფილიპე კოუტინიოს კიდევ ერთის გატანა შეეძლო, თუმცა მისმა დარტყმულმა სანტიმეტრში ჩაუქროლა ძელს. მერე ჯონსონმა დაჰკრა მოულოდნელად და მასპინძელი მცველის ფეხიდან ასხლეტილი ბურთი შორეულ ძელს მოხვდა. ორიოდ წუთში სტუმრებმა მაინც გაიტანეს: ბეიკერმა სუარესი საჯარიმოში წააქცია და პენალტი ზუსტად დაარტყა კაპიტანმა ჯერარდმა – 1:2.A

მერე მასპინძლებმაც მოიქნიეს კუდი და რამდენჯერმე სახიფათოდ უჩხვლიტეს სტუმრებს, ერთ ეპიზოდში ჯერარდმა უჩვეულო რამ მოიმოქმედა, ნახტომში, თავურით გამოიტანა ბურთი საკუთარი კარის ხაზიდან. საბოლოოდ, ანგარიში აღარ შეცვლილა. ეს გახლდათ ინგლისის ჩემპიონატების ისტორიაში “ლივერპულის” 1800-ე გამარჯვება. ამდენი ჯერ სხვას არავის მოუგია.

ასტონ ვილა – ლივერპული 1:2 (1:0)

ბირმინგემი. “ვილა პარკი.” 42 037

Aასტონ ვილა: გუზანი, ვლაარი, ბენეტი, ლაუტონი, ბეიკერი, ბენანი (დელფი 62), ვესტვუდი, სილა (ელ აჰმადი 77), აგბონლაჰორი, ბენტეკე, ვაიმანი (ნ’ზოგბია 62)

მწვრთნელი; პოლ ლამბერტი

ლივერპული: რეინა, კარაგერი, ჯონსონი, აგერი, ხოსე ენრიკე, დაუნინგი, ჯერარდი, ლუკას ლეივა, ჰენდერსონი, ფილიპე კოუტინიო (სტერლინგი 77), სუარესი

მწვრთნელი: ბრენდან როჯერსი

გოლები: 1:0 ბენტეკე (31), 1:1 ჰენდერსონი (47), 2:1 ჯერარდი (პენ, 60)

გაფრთხილება: ვესტვუდი (90+1); ჯერარდი (48)

მსაჯი: ლი მეისონი

ბურთის ფლობა: 51%-49%, დარტყმა: 7(3)-13(4), ჯარიმა: 9-8, თამაშგარე: 3-6, სეივი: 6-2,  კუთხური: 7-8

1 აპრილი: ფულემი – ქპრ

B

ბომბარდირები:

22 – ლუის სუარესი (“ლივერპული”)

19 – რობინ ვან პერსი (1, “მანჩესტერი”)

17 – გარეთ ბეილი (”ტოტენჰემი”)