CNN-ის ინფორმაციით, პარასკევს ინგლისის “ლივერპული” იტალიის ეროვნული ნაკრებისა და “მილანის” ფორვარდ მარიო ბალოტელისთან პირადი ხელშეკრულების უკანასკნელ დეტალებს შეათანხმებს.

წყაროს ცნობით, 24 წლის თავდამსხმელის კონტრაქტში სოლიდური ჯარიმებია გაწერილი ვარჯიშებზე დაგვიანებისა და დისციპლინარული გადაცდომებისთვის.

ბალოტელის წლიური ხელფასი 5,8 მილიონი ევრო იქნება, თუმცა, მანამდე ვრცელდებოდა ინფორმაცია, რომ “სუპერ მარიო” ინგლისელებთან 5-წლიან კონტრაქტს აფორმებდა და მისი ანაზღაურება 6 მილიონი უნდა ყოფილიყო. ცნობილია ტრანსფერის ღირებულებაც და ის 20 მილიონ ევროს შეადგენს.