ამსტერდამის “აიაქსის” ნახევარმცველი კრისტიან ერიქსენი ერთბაშად ორი ინგლისური კლუბის – “ლივერპულისა” და “ტოტენჰემის” ინტერესთა სფეროში მოექცა. London Evening Standard-ის ცნობით, ზაფხულის სატრანსფერო სეზონში, სწორედ ეს კლუბები იბრძოლებენ 21 წლის დანიელის ხელში ჩასაგდებად.
აღსანიშნავია, რომ ერიქსენს “აიაქსთან” კონტრაქტი 2014 წლის ზაფხულში ეწურება და მისი გახანგრძლივება არ სურს. ამგვარად, დიდია ალბათობა იმისა, რომ ამსტერდამელებმა ახალგაზრდა ნახევარმცველი სეზონის ბოლოს გაასხვისონ. ჰოლანდიელები “ერიქსენის” სანაცვლოდ 14 მილიონ გირვანქა სტერლინგს ითხოვენ, მაგრამ “ტოტენჰემის” პრეზიდენტ დანიელ ლევის იმედი აქვს, რომ ტრანსფერი 8 მილიონადაც გაიჩარხება.
უკანასკნელ პერიოდში, ერიქსენისადმი ინტერესს ლონდონის “არსენალი”, კატალონიის “ბარსელონა” და “მანჩესტერ იუნაიტედიც” იჩენდნენ, მაგრამ სადღეისოდ, არცერთი მათგანი დანიელზე პრეტენზიას არ აცხადებს.
