ლონდონის “ტოტენჰემის” კარის დარაჯი უგო ლიორისი მიმდინარე სატრანსფერო სეზონში კლუბის შეცვლას არ გეგმავს. გავრცელებული ინფორმაციები ფრანგმა “სკაი სპორტსთან” საუბარში უარყო.
“მომდევნო სეზონშიც “ტოტენჰემში” უნდა ვითამაშო. ახლა ჩემს ირგვლივ არსებული ვითარების შესახებ საუბარი არ მსურს. ვფიქრობ, კლუბის ხელმძღვანელებს ამ თემაზე უახლოეს პერიოდში დაველაპარაკები და ყველაფერი გაირკვევა”, - განაცხადა ფრანგმა.
აღსანიშნავია, რომ ლიორისის ხილვა “პარი სენ-ჟერმენს” სურს.
