21 წლის სერბი ნახევარმცველი ადამ ლიაიჩი ოფიციალურად გახდა “რომას” ფეხბურთელი. კონტრაქტი 4-წლიანია, ხოლო ფეხბურთელი 8-ნომრიანი მაისურით ითამაშებს.

ლიაიჩი “ტოტენჰემში” გადასული არგენტინელი ერიკ ლამელას შემცვლელად მიიწვიეს. სერბს ეროვნულ ნაკრებში 7 მატჩი ჩაუტარებია. ის 2008-2010 წლებში “პარტიზანში” გამოდიოდა, საიდანაც “ფიორენტინაში” გადავიდა და სერია A-ში კარგი სეზონებიც ჩაატარა.

10 მილიონი ევრო – იტალიური საიტების ცნობით, “რომამ” ამდენი გადაუხადა “იებს”.