გერმანული “ლევერკუზენის” გენერალური დირექტორი მიხაილ რეშკე უარყოფს გავრცელებულ ინფორმაციას, თითქოს მისმა გუნდმა, ლარს ბენდერის ტრანსფერის თაობაზე, შეთავაზება მიიღო.

“ბენდერის ტრანსფერის თაობაზე არანაირი წინადადება არ მიგვიღია. მის გაყიდვას არ ვაპირებთ.” – ციტირებს რეშკეს სიტყვებს Goal-ი.

ბოლო დროს გავრცელებული ინფორმაციით, ბენდერის შეძენით “არსენალია” დაინტერესებული. ლონდონელებმა “ლევერკუზენს” 18.5 მილიონი ფუნტი შესთავაზეს და უარის მიღების შემდეგ, თანხა 20 მილიონამდე გაზარდეს.