პოლონეთის ეროვნული ნაკრებისა და დორტმუნდის “ბორუსიას” თავდამსხმელმა რობერტ ლევანდოვსკიმ კლუბის ხელმძღვანელობასთან არსებული კონფლიქტი მოაგვარა.
საქმე ისაა, რომ ზაფხულის სატრანსფერო პერიოდში მისი შეძენა მიუნხენის “ბაიერნს” სურდა, მაგრამ კლუბმა პოლონელის გაშვება არ ისურვა და ამან 25 წლის ფორვარდი გაანაწყენა. ბუნდესლიგის მეორე ტურში “აინტრახტთან” გამარჯვების შემდეგ მან Kicker-ს განუცხადა, რომ ნაწყენი აღარაა და ჩვეულ საქმეს სრული პასუხისმგებლობით ეკიდება.
“გუნდში კიდევ ერთი წლით ვრჩები. ყველა პრობლემა უკან მოვიტოვეთ, სიტუაციაში გავერკვიეთ და ეს საქმე დავხურეთ. შეცდომები ორივე მხრიდან იყო, მაგრამ ახლა ყველაფერი რიგზეა”, - განაცხადა ლევანდოვსკიმ, რომელმაც ბუნდესლიგის გასული სეზონის 31 მატჩში 24 გოლი გაიტანა, მიმდინარე გათამაშების ორ შეხვედრაში კი, მეტოქის კარი ერთხელ დალაშქრა.
