გერმანული “დორტმუნდის” თავდამსხმელი რობერტ ლევანდოვსკი შეეგუა იმ ფაქტს, რომ მას ამჟამინდელ კლუბში დარჩენა კიდევ ერთი წლით მოუწევს.
პოლონელი შემტევის კონტრაქტს ვადა ერთი წლის შემდეგ გასდის. ცნობილია, რომ ის ხელშეკრულების გახანგრძლივებას არ აპირებს. პერიოდულად ვრცელდება ინფორმაცია, თითქოს ლევანდოვსკი “ბაიერნში”, ან პრემიერლიგის რომელიმე გრანდში გადადის. ამის იმედი თავად ფეხბურთელსაც ჰქონდა, მაგრამ როგორც გაირკვა, სიტუაცია შეიცვალა.
“უნდა შევეგუო იმ ფაქტს, რომ “დორტმუნდში” დარჩენა მომიწევს.” – ციტირებს ლევანდოვსკის სიტყვებს Bild-ი.
არსებობს მოსაზრება, რომ დორტმუნდელები შეეცდებიან ლევანდოვსკი კონტრაქტის გახანგრძლივებაში დაარწმუნონ და თუ ეს ვერ მოახერხეს, ფეხბურთელს ზამთარში გაჰყიდიან.
