“მანჩესტერ სიტის” მცველი ჯოლეონ ლესკოტი აცხადებს, რომ ის “ქალაქელებთან” ახალ ხელშეკრულებას არ გააფორმებს.

“სიტიში” ჩემი დღეები დათვლილია. ვიცი, რომ კონტრაქტი აღარ გაგრძელდება.

წასვლა მომიწევს, მაგრამ კლუბზე გაბრაზებული არ ვარ. ახლა, ჩემი ყოველი თამაში ვიტრინაში ჩემი გამოჩენის ტოლფასი იქნება. შესაძლოა, ვინმეს ჩემი თამაში მოეწონოს და ასეთ შემთხვევაში, კონტრაქტს სხვა კლუბთან გავაფორმებ.

კარიერის საზღვარგარეთ გაგრძელებას არ გამოვრიცხავ. ჯერ ყველა წინადადება უნდა განვიხილო და გადაწყვეტილება ამის შემდეგ მივიღო.” – ციტირებს ლესკოტის სიტყვებს Sky Sports-ი.

31 წლის ლესკოტი, რომელსაც “სიტისთან” კონტრაქტი მიმდინარე სეზონის ბოლომდე აკავშირებს, “ქალაქელებში” 2009 წლიდან თამაშობს. გავრცელებული ინფორმაციით, მისი დამატებით “ბეშიქთაშია” დაინტერესებული.