ლონდონის “ჩელსის” ნახევარმცველი ფრენკ ლემპარდი ჟოზე მოურინიოს “არისტოკრატებში” შესაძლო დაბრუნების საკითხს ეხმაურება. ვეტერანი შუახაზელის თქმით, პორტუგალიელი წარმატებული იქნება ყველგან, სადაც არ უნდა იმუშავოს.

“ჟოზე ფანტასტიკური მწვრთნელია. ეჭვი არ მეპარება იმაში, რომ მოურინიო დაბრუნდება “ჩელსიში”, დარჩება “რეალში” თუ ჩაიბარებს სხვა გუნდს, ის ყველგან წარმატებული იქნება.” – აცხადებს ფრენკ ლემპარდი.

ინგლისელი ფეხბურთელის თქმით, უმჯობესი იქნება, თუ “ჩელსის” რომელიმე სპეციალისტი ხანგრძლივი დროით ჩაიბარებს და მწვრთნელების ხშირი ცვლა აღარ გაგრძელდება: “შესანიშნავი იქნებოდა, გუნდს ერთი სპეციალისტი ხანგრძლივი დროის განმავლობაში რომ წვრთნიდეს. ვფიქრობ, ამით მოგებულნი დავრჩებით ფეხბურთელებიც, გულშემატკივრებიც და თავად კლუბიც.”