ვეტერანი ინგლისელი ნახევარმცველი ფრენკ ლემპარდი ადასტურებს, რომ მიმდინარე სეზონის ბოლოს ის ლონდონის “ჩელსის” დატოვებს.

“როდესაც 13 წლის წინ “ჩელსიში” მოვედი, ვერ წარმოვიდგენდი, თუ ამ გუნდში ამდენხანს გავრჩერდებოდი და ამდენ მატჩს ჩავატარებდი. ეს კლუბი ჩემი ცხოვრების ნაწილად იქცა. მინდა მადლობა გადავუხადო იმ ადამიანებს, რომლებიც ამ წლების განმავლობაში ჩემთან ერთად იყვნენ.

კლუბი წინსვლას განაგრძობს. ეჭვი არ მეპარება, რომ “ჩელსის” წარმატებები ელის.

როგორი ამოცანებიც არ უნდა დავისახო სამომავლოდ, “ჩელსი” ჩემს გულში დარჩება.” – ციტირებს ლემპარდის სიტყვებს შკყ შპორტს-ი.

ფრენკ ლემპარდი “ჩელსიში” 2001 წლიდან თამაშობს. ლონდონური კლუბის მაისურით მან 648 მატჩი ჩაატარა, 211 გოლი გაიტანა და 13 ტიტული მოიგო.

გავრცელებული ინფორმაციით, ლემპარდი დავიდ ვილიას შეუერთდება და კარიერას “ნიუ იორკ სიტიში” განაგრძობს.