“ნაპოლის” პრეზიდენტმა აურელიო დე ლაურენტისმა დაადასტურა ბოლო დღეებში გავრცელებული ინფორმაცია, რომ მარტო ერთი კლუბის ყოლა არ აკმაყოფილებს და კიდევ სამის შეძენას გეგმავს. ერთ-ერთი მათგანი ინგლისური “კრისტალ პალასია”.

საფეხბურთო კლუბი “კრისტალ პალასი” 1905 წელს დაფუძნდა. ბოლო პერიოდში ინგლისის ფეხბურთის ასოციაციამ ორჯერ დააყენა მისი ჩემპიონატიდან მოკვეთის საკითხი, 30 მილიონი ფუნტის დავალიანების გამო, მაგრამ დისკვალიფიკაციამდე საქმე არ მისულა. ახლახან კი “კრისტალ პალასმა” პრემიერლიგის საგზური მოიპოვა, მას შემდეგ, რაც გადამწყვეტ მატჩში “უოტფორდი” 1:0 დაამარცხა.