"მილუოკი ბაქსის" ხელმძღვანელებმა პრინციპულ შეთანხმებას მიაღწიეს ლარი დრიუსთან და სავარაუდოდ, მომავალი სეზონიდან სწორედ ეს სპეციალისტი დაიკავებს მთავარი მწვრთნელის პოსტს. ამ ინფორმაციას ავრცელებს The Milwaukee Journal Sentinel.

შეგახსენებთ, რომ ბოლო 3 წლის განმავლობაში დრიუ "ატლანტას" წვრთნიდა და ჯორჯიული კლუბის ხელმძღვანელობამ მას 2 კვირის წინ აღარ გაუხანგრძლივა კონტრაქტი. "ბაქსის" მთავარი დამრიგებლის ვაკანსიაზე ლარის მთავარ მეტოქედ "ჰიუსტონის" დაცვის მწვრთნელი კელვინ სიმფსონი მიიჩნეოდა, მაგრამ როგორც ჩანს, "ბაქსის" ხელმძღვანელებმა აქცენტი ზაზა ფაჩულიას ყოფილ მწვრთნელზე გააკეთეს.