ვეტერანი ინგლისელი ნახევარმცველი ფრენკ ლამპარდი 2015 წლიდან აშშ-ს კლუბ “ნიუ იორკ სიტიში” იასპარეზებს. ამის შესახებ ბრიტანული მედია იუწყება.
36 წლის ინგლისელი ამერიკელებთან კონტრაქტს მომდევნო კვირაში გააფორმებს. ლამპარდს ლონდონის “ჩელსისთან” კონტრაქტი ამოეწურა და თავისუფალი აგენტი გახდა. ამგვარად, “ნიო იორკ სიტი” გამოცდილ ნახევარმცველს ხელში უსასყიდლოდ ჩაიგდებს.
მოგეხსენებათ, “ნიო იორკ სიტის” უკვე მიაშურა ესპანელმა დავიდ ვილიამ, რომელიც 2015 წლამდე ბურთს ავსტრალიაში გააგორებს. არაა გამორიცხული, მას ლამპარდმაც მიბაძოს და აშშ-ში გადასვლამდე, ავსტრალიაში ითამაშოს.
