რომის “ლაციო” უეფას ევროპის ლიგის მომავალ შეხვედრაში კვიპროსულ “აპოლონს” ცარიელი ტრიბუნებით დაუხვდება. ამასთან, 40 ათას ევროს ჯარიმის სახით გადაიხდის. უეფას სადისციპლინო კომიტეტმა მკაცრი გადაწყვეტილება “ლაციოსა” და “ლეგიას” მატჩში რომაული კლუბის გულშემატკივრების რასისტული ლოზუნგების სკანდირებისა და შეურაცხმყოფელი ბანერების გამოფენის გამო მიიღო.

“ლაციოს” ევროტურნირების მატჩების უმაყურებლებო სტადიონზე გამართვის გამოცდილება უკვე აქვს. აპრილსა და მაისში “შტუტგარტს” და “ფენერბაჰჩეს” სიწყნარეში უმასპინძლა. მაშინაც გულშემატკივართა ცუდი საქციელის გამო.