რომის “ლაციოს” ნახევარმცველმა ედერსონმა “უდინეზესთან” მატჩში (3:2) ბარძაყის სერიოზული ტრავმა მიიღო. აპენინური პრესის ცნობით, 28 წლის ბრაზილიელი მიმდინარე სეზონში მოედანზე გასვლას ვეღარ შეძლებს.

“ედერსონი 5-6 თვით გამოგვაკლდა. მას სერიოზული ოპერაცია ელის”, - განაცხადა რომაელთა ექიმმა რობერტი ბიანკინიმ.

მიმდინარე სეზონში, ედერსონმა 15 მატჩი ჩაატარა.  ბრაზილიელი გოლითა და საგოლე გადაცემით გამოირჩა.