ეროვნული საკალათბურთო ასოციაციაში (NBA), შესაბამისად, აღმოსავლეთ და დასავლეთ კონფერენციების გასული კვირის საუკეთესო მოთამაშეებად “ფილადელფია სიქსერზის” და “გოლდენ სტეიტ უორიორსის” ფორვარდები ტადეუს იანგი და დევიდ ლი დაასახელეს.

იანგის დახმარებით ფილადელფიელებმა კვირის განმავლობაში სტუმრად ჩატარებული სამივე მატჩი მოიგეს. აღნიშნულ შეხვედრებში ტადეუშის საშუალო მონაგარი 25.0 ქულა, 7.7 მოხსნა და 3.7 ჩაჭრა გახლდათ.

მიჯრით ოთხ მატჩში იმარჯვა “გოლდენ სტეიტმა”, ლი კი საშუალოდ 24.5 ქულას, 10.5 მოხსნას და 3.5 პასს აგროვებდა.

კვირის მოთამაშეობაზე პრეტენზიას დერონ უილიამსი (“ბრუკლინი”), პაუ გასოლი (“ლეიკერსი”), ლებრონ ჯეიმსი (“მაიამი”), კარმელო ენტონი, იმან შამპერტი (ორივე – “ნიუ იორკი”), კევინ დიურანტი (“ოკლაჰომა სიტი”), გორან დრაგიჩი (“ფინიქსი”) და კაილ ლოურიც (“ტორონტო”) აცხადებდნენ. 

ცნობისთვის, იანგმა მიმდინარე კვირის პირველ მატჩშიც დამაჯერებლად ითამაშა და “მინესოტას” 20 ქულა ჩაუგდო, თუმცა, მისმა გუნდმა წარმატებული სვლა ვეღარ განაგრძო. კევინ ლავის (26 ქულა, 7 მოხსნა) წინამძღოლობით, “ტიმბერვულვზმა” ძალიან შედეგიანი მატჩი ჩაატარა და ფილადელფიაში 126:95 იმარჯვა.

ნელ-ნელა ფერზე მოდის თორნიკე შენგელიას “ნეთსი”, რომელმაც ზედიზედ მე-3 გამარჯვება მიითვალა და როგორც სჩანს, მალე პლეიოფისთვის ბრძოლაშიც ჩაებმება. ბრუკლინელებმა “ატლანტა ჰოუქსი” მე-3 მეოთხედში “გატეხეს”, რომელიც 26:15 მოიგეს, საბოლოოდ კი, ჯორჯიელებს 91:86 სძლიეს. ბრუკლინელებს 23 ქულით ჯო ჯონსონმა ულიდერა, ქართველი ფორვარდი კვლავ განვითარების ლიგაშია განათოხვრებული და გასული მატჩის განაცხადში არ ყოფილა.

დღის კიდევ ერთ შეხვედრაში ბრძოლა არ ყოფილა. “კლიპერსმა” გუნდის ერთ-ერთი ლიდერის კრის პოლის არყოფნა არ შეიმჩნია და “ორლანდო მეჯიქს” საქმე პირველივე ტაიმში (60:34) მოუთავა. ლოს ანჟელესელთა რიგებში 10-ქულიან ზღვარს ექვსმა კალათბურთელმა უწია, დე ანდრე ჯორდანი კი საერთოდაც სამმაგ დუბლს “წაეთამაშა” – 14 ქულა, 17 მოხსნა, 8 დაფარება.

ბრუკლინი – ატლანტა 91:86 (27:21, 19:31, 26:15, 19:19)

ბრუკლინი: ჯონსონი (23 ქ.), ანდერსონი (14 ქ.), ლივინგსტონი (12 ქ.), პირსი (9 ქ.), გარნეტი (4 ქ. 10 მ.); ტელეტოვიჩი (16 ქ.), კირილენკო (8 ქ.), ბლატჩი (3 ქ.), ევანსი (2 ქ.), ტერი.

ატლანტა: ტიგი (16 ქ.), მილსეპი (16 ქ.), კეროლი (10 ქ. 7 მ.), ანტიჩი (8 ქ.), კორვერი (7 ქ. 7 მ. 6 პ.); ბრენდი (10 ქ. 7 მ.), სკოტი (9 ქ.), უილიამსი (5 ქ.), მაკი (5 ქ.), მარტინი.

ფილადელფია – მინესოტა 95:126 (29:32, 25:38, 20:35, 21:21)

ფილადელფია: იანგი (20 ქ.), კარტერ-უილიამსი (13 ქ. 7 პ.), ტერნერი (13 ქ.), ტომპსონი (9 ქ.), ჰოვსი (7 ქ.); ანდერსონი (14 ქ. 7 მ.), უილიამსი (8 ქ.), ორტონი (5 ქ.), ბრაუნი (4 ქ.), დევისი (2 ქ.), ალენი.

მინესოტა: ლავი (26 ქ. 7 მ.), მარტინი (18 ქ.), პეკოვიჩი (16 ქ. 14 მ.), ბრიუერი (15 ქ.), რუბიო (4 ქ. 8 პ.); ბარეა (13 ქ.), შვედი (10 ქ.), კანინგემი (10 ქ), ეი ჯეი პრაისი (9 ქ.), ჰამელი (3 ქ. 8 მ.), ჯენგი (2 ქ.), ტურიაფი (9 მ.).

კლიპერსი – ორლანდო 101:81 (36:18, 24:16, 25:21, 16:26)

კლიპერსი: კოლისონი (21 ქ. 7 პ.), გრიფინი (16 ქ. 8 მ. 6 პ.), ჯორდანი (14 ქ. 17 მ. 8 დ.), კროუფორდი (13 ქ. 8 პ.), დადლი (8 ქ.); გრინი (11 ქ.), ჯემისონი (10 ქ.), ბარნსი (5 ქ.), ჰოლინზი (2 ქ.), მორისი (1 ქ.), მალინსი.

ორლანდო: აფლალო (12 ქ.), დევისი (9 ქ. 11 მ.), ნელსონი (3 ქ.), ჰარისი (2 ქ.), ვუჩევიჩი (2 ქ. 8 მ.); ოლადიპო (22 ქ. 8 მ.), ჰარკლესი (22 ქ.), ლემბი (7 ქ.), მაკსიელი (2 ქ.), მური, ნიკოლსონი.