“ჩელსის” მეკარემ ტიბო კურტუამ დაადასტურა ბოლო დღეებში ბრიტანული სპორტული გამოცემების მიერ გავრცელებული ინფორმაცია იმის შესახებ, რომ ლონდონურ კლუბთან ახალი კონტრაქტის გაფორმებას გეგმავს.

“ჯერ დოკუმენტზე ხელი არ მოგვიწერია, მაგრამ მთავარია, რომ შევთანხმდით და წერტილს სავარაუდოდ უახლოეს მომავალში დავსვამთ. ახლა ბელგიაში ვარ, ნაკრებთან ერთად” – უთხრა კურტუამ Sky Sports-ს.

პრემიერლიგის გასულ სამ ტურში ბელგიელმა მეკარემ ოთხი გოლი გაუშვა. “ჩელსი” კი 9 ქულით გათამაშების ცხრილის ლიდერია.