საქართველოს ეროვნული ნაკრების ყოფილმა თავკაცმა ექტორ რაულ კუპერმა, რომელიც თურქულ “ორდუსფორში” მუშაობდა, კლუბთან კონტრაქტი ორმხრივი შეთანხმების საფუძველზე გაწყვიტა. ამის შესახებ Hurrijet-ი იუწყება.

“ორდუსფორმა” უკანასკნელი მატჩი “ტრაბზონსფორთან” 0:1 წააგო, რის შემდეგაც 57 წლის არგენტინელი თურქებს გამოემშვიდობა და ახლა, დროებით უმუშევარია. მთავარი მწვრთნელის პოსტზე, “ორდუსფორის” ხელმძღვანელებმა უკვე დანიშნეს ჯევათ გიულერი.

მიმდინარე სეზონში, თურქეთის სუპერლიგაში კუპერის დამოძღვრილმა გუნდმა 29 მატჩი ჩაატარა და 29 ქულას მოუყარა თავი. სადღეისოდ, “ორდუსფორი” მე-17 ადგილზეა და უმაღლეს ლიგაში დარჩენისთვის იბრძვის.