როტერდამის “ფეიენორდს”, მომდევნო სეზონიდან, 51 წლის სპეციალისტი ფრედ რუტენი გაწვრთნის. ამ ინფორმაციას ჰოლანდიური კლუბის ოფიციალური ვებგვერდი ავრცელებს.

ცოტა ხნის წინათ ცნობილი გახდა, რომ “ფეიენორდის” ამჟამინდელი დამრიგებელი რონალდ კუმანი, სეზონის ბოლოს, როტერდამულ გუნდს დატოვებს. სწორედ მას შეცვლის რუტენი, რომელიც ერთწლიან კონტრაქტს გააფორმებს.

1999-2013 წლებში, რუტენს “ტვენტეში”, “შალკეში”, პსვ-სა და “ვიტესში” უმუშავია.