“ბარსელონას” საკუთრებაში მყოფი და “აიაქსში” განათხოვრებული ახალგაზრდა შემტევი ისააკ კუენკა კატალონიაში დაბრუნდა. ამის მიზეზი ტრავმის გამიზეზებაა.

მიმდინარე წლის იანვარში, 8-თვიანი ტრავმის შემდეგ გამოჯანმრთელებული კუენკა, სათამაშო პრაქტიკის მიღების მიზნით, “აიაქსში” გაანთხოვრეს. 21 წლის შემტევის ამსტერდამული კარიერა კარგად დაიწყო და ფრანკ დე ბური მასზე იმედებსაც ამყარებდა, მაგრამ როგორც სჩანს, ფეხბურთელს ტრავმა მორჩენილი ბოლომდე არ აქვს. ცნობილი გახდა, რომ კუენკა მუხლის ტკივილებმა შეაწუხა და გამოკვლევებისთვის ის ბარსელონაში დაბრუნდა.

“კუენკაზე იმედებს აღარ ვამყარებთ. მისთვის ვარჯიშების ინდივიდუალური პროგრამა გვქონდა შემუშავებული, რათა ის ფორმაში შესულიყო, მაგრამ ფეხბურთელმა დაკისრებულ მოვალეობას თავი ვერ გაართვა. ძალიან სამწუხაროა.” – ციტირებს “აიაქსის” მთავარი მწვრთნელის, ფრანკ დე ბურის სიტყვებს AD Sportwereld-ი.