მიუნხენის “ბაიერნის” ნახევარმცველის – ტონი კროოსის აგენტმა ფოლკერ შტრუტმა განაცხადა, რომ მისი კლიენტი კლუბის შეცვლას არ გეგმავს. გერმანელი “ალიანს არენაზე”, სულ ცოტა, მომდევნო სეზონს ჩაატარებს.
“დიდი ხანია, კროოსის გარშემო ხმები ვრცელდება, მაგრამ მათზე კომენტარს არ გავაკეთებთ. დარწმუნებული ვარ, კროოსი “ბაიერნში” 2015 წლის ივნისამდე მაინც დარჩება”, - განუცხადა შტრუტმა გერმანულ მედიას.
შეგახსენებთ, რომ კროოსს მიუნხენელებთან კონტრაქტი სწორედ 2015 წელს ეწურება. ჯერჯერობით, მხარეები მის გახანგრძლივებაზე ვერ თანხმდებიან.
