რეგულარული გათამაშების მორიგ მატჩში "მემფისის" წინააღმდეგ "კლიპერსის" გამთამაშებელმა კრის პოლმა კარიერაში მე-10000-ე ქულა მიითვალა - "გრიზლისთან" მისი მონაგარი 24 ქულა და 9 შედეგიანი გადაცემა გახლდათ.

ამ მიღწევით კრის პოლი გახდა ლიგის ისტორიაში მეშვიდე მოთამაშე, რომელმაც 10000 ქულას და 5000 შედეგიან გადაცემას საწყის 8 სეზონში მოუყარა თავი. მის გარდა ეს მანამდე შეძლეს ოსკარ რობერტსონმა, მეჯიქ ჯონსონმა, კევინ ჯონსონმა, ტიმ ჰარდუეიმ, აიზია ტომასმა და ნორმ ნიკსონმა.