უელსის ნაკრების მთავარმა მწვრთნელმა კრის კოულმენმა, ბელგიის ნაკრებთან სამშაბათს გასამართ შეხვედრაზე ისაუბრა. ,,სკაი სპორტისთვის’’ მიცემულ ინტერვიუში, კოულმენმნა მარკ ვილმოტსის გუნდი მსოფლიოს ჩემპიონატის ფავორიტად შერაცხა.

,,ბელგიის ნაკრებს გასულ წელს შევხვდით. მაშინ ეს გუნდი ფიფას რეიტინგში მეორმოცე ადგილზე იყო, ამჟამად მეექვსეზე იმყოფება. წინსვლა საგრძნობია. ვფიქრობ, მათ აქვთ მსოფლიოს ჩემპიონატის მოგების შანსი - ბელგიის ნაკრების ფეხბურთელთა უდიდესი პოტენციალი, ამის თქმის საშუალებას მაძლევს. ასე რომ, სამშაბათს ურთულესი გამოცდის ჩაბარება მოგვიწევს’’, - განაცხადა უელსელმა.

მწვრთნელმა ასევე ისაუბრა საკუთარი გუნდის ფეხბურთელებზე და მათგან გუნდის კაპიტანი აარონ რემსი გამოარჩია.

,,რემსი მაკედონიასთან შეხვედრაში საუკეთესო იყო, სამაგალითოდ ითამაშა. იმედი მაქვს, ასეთივე შეფასებას დაიმსახურებს ბელგიაში გასამართი შეხვედრის შემდეგ’’, – დაასრულა კოულმენმა.

დიმიტრი შარიქაძე