საქართველოს საკალათბურთო ნაკრები, რომელიც ამჟამად სლოვენიის ქალაქ პოდჩეტრტეკში იმყოფება, 2013 წლის ევროპის ჩემპიონატისთვის მზადებას 15 მოთამაშის შემადგენლობით გააგრძელებს.

შეგახსენებთ, რომ ხვალ ქართველი კალათბურთელები იტალიისკენ აიღებენ გეზს, სადაც ქალაქ ტრენტოში საერთაშორისო ტურნირში მიიღებენ მონაწილეობას. საქართველოს კალათბურთის ფედერაციის პრეს-სამსახურის ცნობით, ეროვნული გუნდი აპენინებზე 15 კალათბურთელით ჩავა, ხოლო 4 კანდიდატი, რომელმაც სლოვენიაში პირველი შეკრება გაიარა, თბილისში დაბრუნდება.

საქართველოს ეროვნული ნაკრების მთავარი მწვრთნელის იგორ კოკოშკოვის გადაწყვეტილებით, ნაკრებს უკანახაზელები – რევაზ როგავა და მერაბ ბოქოლიშვილი, ფორვარდი ბექა ჩიკვილაძე და ცენტრი რიჩარდ მათიაშვილი გამოაკლდნენ. ამდენად, ეროვნული გუნდის რიგებში შემდეგი კალათბურთელები დარჩნენ.

როგორც აღვნიშნეთ, ქართველი კალათბურთელები ევრობასკეტისთვის მზადების ციკლში, საწყის საკონტროლო მატჩებს იტალიაში ჩაატარებენ. საქართველოს ნაკრები 7 აგვისტოს თბილისის დროით 22:30 საათზე მასპინელ იტალიას ეთამაშება, 8-ში – 20:00 საათზე – პოლონეთს, ხოლო 9-ში 20:00 საათზე – ისრაელს. ტრენტოს ტურნირის შემდეგ, ქართველები პოდჩეტრტეკში დაბრუნდებიან და 13 აგვისტომდე მორიგ შეკრებას გამართავენ.