“ატლეტიკოს” ნახევარმცველი კოკე მეკარე ტიბო კურტუასა და “ჩელსის” თემას გამოეხმაურა. შეგახსენებთ, მადრიდელებს ჩემპიონთა ლიგაში ლონდონელებთან დაპირისპირების შემთხვევაში მთავარი გოლკიპერის გარეშე მოუწევთ მინდორზე გასვლა. ამის თავიდან ასაცილებლად კი 6 მილიონი ევრო სჭირდებათ და “ატლეტიკოს” პრეზიდენტმა უკვე გამოაცხადა, რომ კლუბი ამხელა თანხის გადახდას არ აპირებს.
“შესაძლებლობა რომ მქონდეს, ერთი წუთით არ დავფიქრდებოდი და 6 მილიონს “ჩელსის” მე გადავუხდიდი. ტიბო კურტუა მადრიდის “ატლეტიკოსთვის” უმნიშვნელოვანესი ფიგურაა” – ციტირებს კოკეს სიტყვებს AS.
