რომის “ლაციოსა” და გერმანიის ეროვნული ნაკრების ვეტერანი თავდამსხმელი მიროსლავ კლოზე ფეხბურთის თამაშს კიდევ 2-3 წლის განმავლობაში აპირებს.

კლოზესა და “ლაციოს” შორის მოქმედ კონტრაქტს ვადა მიმდინარე სეზონის ბოლოს ეწურება. ჯერჯერობით ცნობილი არაა, სად ითამაშებს 35 წლის გერმანელი მომდევნო სეზონში, მაგრამ ის კარიერის დასრულებაზე ჯერ არ ფიქრობს.

“უმაღლეს დონეზე თამაში კიდევ 2-3 წლის განმავლობაში შემიძლია.

ბევრი საინტერესო ვარიანტი მაქვს. არაერთი ჭორი დადის, მაგრამ დარწმუნებული ვარ, რომ უმაღლეს დონეზე თამაშს განვაგრძობ.

რაც შეეხება საერთაშორისო თამაშებს – ბრაზილიაში გასამართი მსოფლიოს ჩემპიონატი ჩემი ბოლო ტურნირი იქნება.” – აცხადებს მიროსლავ კლოზე.