გერმანიის ეროვნული ნაკრების ვეტერანი თავდამსხმელი მიროსლავ კლოზე მსოფლიოს ჩემპიონატების ისტორიაში საუკეთესო ბომბარდირობას უმიზნებს.

35 წლის კლოზეს მუნდიალზე 14-ჯერ გაუტანია. პირველ ადგილზე მყოფ რონალდოს ანგარიშზე 15 გოლია და კლოზე სწორედ ბრაზილიელი ლეგენდის რეკორდის დამხობას აპირებს.

“ერთი გოლი და ლიდერს გავუთანაბრდები, 2 გოლი და მსოფლიოს ჩემპიონატების ისტორიაში საუკეთესო ბომბარდირი გავხდები. მიმაჩნია, რომ კარგ ფორმაში ვარ და ამ შედეგის მიღწევა შემიძლია.

თუმცა, პრიორიტეტული გუნდის წარმატებაა. გუნდის ინტერესი უპირველესია.” – ციტირებს კლოზეს სიტყვებს Goal-ი.