იურგენ კლოპმა დორტმუნდის “ბორუსიის” მთავარი მწვრთნელის რანგში მოგებების რეკორდი დაამყარა. Bild-ის ცნობით, შაბათს, ბუნდესლიგის 23-ე ტურში, “დორტმუნდმა” “ნიურნბერგს” 3:0 მოუგო. ეს გამარჯვება 112-ე აღმოჩნდა კლოპისთვის. მანამადე რეკორდი ოტმარ ჰიტცფელდს ეკუთვნოდა (111).

შეგახსენებთ, რომ კლოპი “დორტმუნდს” 2008 წლიდან წვრთნის. ამ ხნის განმავლობაში მან გუნდი ორჯერ გახადა გერმანიის ჩემპიონი (2010-11, 2011-12) და ჩემპიონთა ლიგის ფინალში გაიყვანა (2013).