გერმანული “დორტმუნდის” მთავარი მწვრთნელი იურგენ კლოპი აცხადებს, რომ გასულ ზაფხულში, მას შეთავაზებები ინგლისიდან ჰქონდა, მაგრამ 46 წლის სპეციალისტმა გუნდის გამოცვლაზე უარი განაცხადა.
“რამდენიმე ინგლისური გუნდიდან დამირეკეს და ჩემთან საუბრის სურვილი გამოთქვეს, მაგრამ ამის მიზეზს ვერ ვხედავდი.
რთულია, გამუდმებით დიდ კლუბში გადასვლაზე ფიქრობდე. მესმის, რომ ინგლისში, ჩინეთში ან რუსეთში უფრო მეტის გამომუშავება შეიძლება, მაგრამ ეს ყველაზე მთავარი არაა.
2 წლის წინათ, მსგავსი ზარების შესახებ ჩემთვის ვინმეს რომ მოეყოლა, ვეტყოდი, რომ ეს შეუძლებელია. თუმცა, ეს მოხდა, მაგრამ ჩემთვის უკვე აღარაფერს ნიშნავდა.” – ციტირებს კლოპის სიტყვებს The Sun-ი.
