გერმანული “დორტმუნდის” მთავარი მწვრთნელი იურგენ კლოპი ჩემპიონთა ლიგის ნახევარფინალების წილისყრის შემდეგ კომენტარს აკეთებს.
დღეს, ცნობილი გახდა, რომ ჩემპიონთა ლიგის 1/2-ფინალში, “დორტმუნდი” მადრიდის “რეალს” დაუპირისპირდება. ეს გუნდები ერთმანეთს ჯგუფურ ეტაპზეც შეხვდნენ. მაშინ, გერმანელებმა შესაძლო ექვსიდან 4 ქულა მოიპოვეს.
“მოხარული ვარ იმის გამო, რომ ჩვენი მეტოქის ვინაობა გავიგეთ. ახლა, ისღა დაგვრჩენია, ფეხბურთი ვითამაშოთ. არაა საჭირო იმის შეხსენება, რომ “რეალი” რთული მეტოქე იქნება, მაგრამ შესაძლო 3 ვარიანტიდან, მიმდინარე სეზონში, მხოლოდ ამ გუნდის დამარცხება მოვახერხეთ.” – აცხადებს იურგენ კლოპი.
