გერმანიის საფეხბურთო კავშირმა “დორტმუნდის” თავკაცი იურგენ კლოპი 10 ათასი ევროთი დააჯარიმა. ამის შესახებ გერმანული პრესა იუწყება.

კლოპი არასპორტული საქციელისთვის დაისაჯა. “გლადბახთან” ბუნდესლიგის უკანასკნელი ტურის მატჩში (1:2), გერმანელი სპეციალისტი მეოთხე არბიტრს მივარდა და ყვირილი დაუწყო. კლოპს ჯარიმა არ გაუპროტესტებია და თანხის გადახდას დათანხმდა.

შეგახსენებთ, რომ კლოპი არასპორტული საქციელით “ნაპოლისთან” უეფას ჩემპიონთა ლიგის 1/8-ფინალურ მატჩშიც “გამოირჩა”. გერმანელი მაშინაც არბიტრებს შემოსწყრა.