ინგლისის “მანჩესტერ სიტის” ფრანგმა მცველმა გაელ კლიშმა კლუბთან ახალი კონტრაქტი გააფორმა. კლუბის ოფიციალური საიტის ცნობით, 27 წლის ფეხბურთელის ახალი შეთანხმება 4-წლიანია.
“მოხარული ვარ, ახალი კონტრაქტის პირობები რომ შევათანხმეთ და უკვე მოუთმენლად ველი მომავალ სეზონს. გასული სეზონი არცთუ წარმატებული აღმოჩნდა, მაგრამ დარწმუნებული ვარ, ეს გამოცდილება მომავალში აუცილებლად წაგვადგება” - თქვა კლიშიმ.
პრემიერლიგის მიმდინარე სეზონში, კლიში 28 მატჩში გავიდა მოედანზე და 2 საგოლე გადაცემა მიითვალა.
