ტურინის “იუვენტუსის” ლეგენდა კლაუდიო ჯენტილე შვეიცარული “სიონის” მთავარი მწვრთნელი გახდა.
კლაუდიო ჯენტილე 60 წლისაა. ის ფეხბურთს 1971-88 წლებში თამაშობდა. 1973-84 წლებში, “იუვენტუსის” შემადგენლობაში, მან სერია A-ში 283 თამაში ჩაატარა.
ყოფილ ცენტრალურ მცველს სამწვრთნელო გამოცდილებაც აქვს. 2000-2006 წლებში ის იტალიის ახალგაზრდულ ნაკრებს თავკაცობდა, რომელმაც, 2004 წელს, ევროპის 21-წლამდელთა ჩემპიონატი მოიგო. იმავე წელს, ჯენტილე იტალიის ოლიმპიური ნაკრების თავკაცი იყო და ის გუნდს ბრინჯაოს მედლების მოპოვებაში დაეხმარა.
