ინგლისის ეროვნული ნაკრების ყოფილმა ნახევარმცველმა კირონ დაიერმა საფეხბურთო კარიერის დასრულება გადაწყვიტა. 34 წლის ინგლისელმა Independent Ipswich Town-ს გაანდო, რომ მომავალში, მწვრთნელობას აპირებს.

“აღარ მინდა გამუდმებით მოგზაურობაში ვიყო. კარიერას ვასრულებ და ჩემს გადაწყვეტილებაში დარწმუნებული ვარ. მინდა, დრო შვილებთან გავატარო. მას შემდეგ, რაც “ნიუკასლი” დავტოვე, მთელი ქვეყანა მოვიარე და ბავშვებს ყურადღება მოვაკელი. ახლა, მათთან ყოფნის საშუალება მექნება. სამომავლოდ, მწვრთნელობას ვაპირებ. მინდა, პეპ გვარდიოლას დავემსგავსო”, - განაცხადა დაიერმა.

უკანასკნელად, ინგლისელი "მიდლსბროში" ასპარეზობდა.

ცნობისათვის, დაიერს ინგლისის ეროვნულ ნაკრებში 33 მატჩი აქვს ჩატარებული. უკანასკნელად, ნახევარმცველმა სამშობლოს ღირსება 2007 წელს დაიცვა.