იტალიური “ნაპოლის” ვარსკვლავმა ედინსონ კავანიმ ფრანგული “პარი სენ-ჟერმენის” წინადადებას უარით უპასუხა. ამის შესახებ Sportmediaset-ი იუწყება.
აღნიშნული წყაროს ინფორმაციით, პარიზელები ურუგვაელს 4-წლიან კონტრაქტს სთავაზობდნენ. ამ ხნის განმავლობაში, კავანი ხელფასის სახით 36 მილიონ ევროს მიიღებდა. ურუგვაის ნაკრების ფორვარდი პსჟ-ს წინადადებით მოხიბლული დარჩა, მაგრამ მოცდა არჩია.
აპენინური პრესა ირწმუნება, რომ კავანი შემოთავაზებას მადრიდის “რეალისგან” ელის.
