იტალიური “ნაპოლის” ფორვარდმა ედინსონ კავანიმ განაცხადა, რომ თავის მომავალთან დაკავშირებით გადაწყვეტილება ჯერ არ მიუღია. მოგეხსენებათ, ურუგვაელისადმი ყველაზე სერიოზულ ინტერესს მადრიდის “რეალი” იჩენს.

“მთელი ჩემი კარიერის განმავლობაში, არაერთ კლუბთან მაკავშირებდნენ, მაგრამ სადღეისოდ, სხვა კლუბებთან არანაირი შეთანხმებისთვის არ მიმიღწევია. “ნაპოლის” ფეხბურთელი ვარ. რამდენიმე დღე დავისვენებ, შემდეგ კი, სანაკრებო მატჩებისთვის მოვემზადები”, - განაცხადა კავანიმ Ovacion Digital-თან ინტერვიუში.

ცნობისათვის, “რეალი” კავანიში 45 მილიონი ევროს გადასახდელადაა მზად.